قصيدةحلوه عن الفراق

إن طالت الفرقا ترى دمعتي دم
بأبكي عليك ولو ماأنته بداري
وإن طالت الفرقا ترى عيشتي سم
بأصبر على سمي وبالجوع ضاري
من حبكم أذاكر ولاني أفهم
وأسهر ليالي البرد والفكر ساري
ياعزي لحال ,ن, من ضيمه تألم
ياوين دكتورالحب ووين الإستشاري
دكتور أنا باشرح لك ولا باتنوم
الحب وكاله وضيمي تجاري
كانك بتعالجني يادكتور فاغنم
عطني علاج الحب واخذ المصاري
قال البلاء بالقلب وكنه مشرم
خطيرة,ن, حالتك وسمك ذعاري
مالك دواء عندنا هرج ,ن, ويختم
ملعوب ,ن, بقلبك لعب الأتاري
بالقلب حرف إسم منحوت وترسم
صورة حبيب,ن, مثل ضوح النهاري
قلبك بشماغ الموت أنلف وتلطم
ليت الذي عناك يشوف المواري
لاواهني اللي من الحب محرم
تارك طريق الحب شمال,ن, إجباري
مرتاح في دنياه ولاهو تندم
ولاعرف للحب ياناس طاري
ولاواهني صغير ,ن,توه تعلم
حب له مثيل له بفرة حواري
لاهو على شوفته بالحيل يخرم
ولاهو تعنا في كثرة المساري
آهني لمن لا عرف حب وتغرم
من عقب ماقد صار بالحال جاري
عشر , ن, وانا ياخلي لحبك أكتم
صابرعلى جور الدهر وياحر ناري
وكل مابغيت أحكي أحس إني أبكم
و كن من يقول من الصراحة حذاري
واليوم لابد آنفس عني الهم
واكتب مكاتيبي وهذا قراري
آطيح مابين رموشه وشفت الدم
أصبحت أنا موظفهم وهو الإداري
تسري هواجيسي ومن هو يتكلم
إن الصفا طبعي وأناللعز شاري
وإن الوفا عمي وأنا للوفا عم
وإن الكرم والجود تسكن بداري
والحال لاهو لاللمدح ولاللذم
ماضاع أمل مسعود بصيد الحباري
حبيبي آترجاك تقرب وترحم
بشوفتك أنابانبسط وأنشر أخباري
وإن طالت الفرقا حرام إني ماأسلم
مسعود من أسبابكم مات إنتحاري[/right]